خَرُوف
تعالى حكَلِمَك فى أمر غير مألوف
أصل السنة دى و احنا داخلين على العيد
الناس كلهم عاملين زى العبيد
نفسهم يدبحوك ياكلوك بس مش عارفين
اصل إنت و عصابتك مَلمُومين
و بدل ما احنا بِنِحبسَك فى الوقت دا من السنة
إنت قاعد تِحبِس فينا طول السنة
مش عارفين نِعمل ايه مَعاك وإنت رافع اسعارك
و الناس كلها إتكَوِت بِنَارك
طب اقولك على حاجة
إنت عارف القطر اللى إنت إتنَقَلت فيه ... عمل حادثة
و الناس اللى جواه اتصابوا و بقت كارثة
طب شفت سوق الخضار اللى جِبتِلَك منه البَرسيم ؟
الطماطم بتتباع فيه ب ١٢ جنيه .. آه و الله العظيم
و سواق النقل اللى انهاردة ركبنا معاه
ابنه مات من الاهمال فى المستشفى و هو مَعاه
و الراجل دا بِيِشتَغَل رغم كُبر سِنُه
بَدَل ما يُقعد عاطل زى ابنه
ايه دا إلحَق بُص على يمينك
الست بتكَلِم نفسها .. دى واحدة اتجَنِنت من سِنِينَك
و شوف دا شكله أد إيه مهموم
مش عارف يصرِف على عياله و قرب يبيع الهُدوم
حاسب .. كنت حَتقع فى بلاعة مفتوحة
و سيبك من الشارع دا .. اتسَفلِت ٨٨ مرة و لسة فى مشاكل بيكتشفوها
هو إنت عندك كام سنة
ياااه دا انت كبرت اوى انك تكون هنا
دا حتى انت شكلك تعبان
خاسس كدة مش زى زمان
انا مش قصدى تروح تموت
بس على الاقل سيب الناس تعيش .. مش تموت
سيب الاسعار تِرخَص او خلِّى المُرتَب أعلى
صدقنى حندعيلك ١٠٠٠ دعوة
خلِّى التعليم أحسن .. خلى الاستفادة أكبر
حتنام باليل و ترتاح اكتر
إهتم بنشر الاخلاق
دا ربنا بَعتلِنا كذا ابتلاء
إتخلص من عصابتك اللى ماشيين حواليك
و أأمُرنِى بأى حاجة شُبِيك لُبِيك
مش عارف ليه بقولَك الكلام دا و إنت مش سامعنى
بس من كُتر اللى بِنشوفُه عندى أمل تِفهَمنى
يالا انا حَسكُت بدل ما أبقَى عن الدنيا مَوقُوف
و إللى مَفهِمش قَصدِى من الكلام ... يبقى خروف :))
كتب هذا الحوار كريم حلمى بعد أن قال له أحد أصدقائه :" عايزين post جديد ، يالا إكتب العيد الكبير قرب " .. :)
يمكنكم قراءة رد الخروف فى " الخروف يجيب " على مدونة صديقى العزيز " علي " .. http://alygamay.blogspot.com/2010/11/blog-post_08.html
wala howa sam3ak zay manta bet2oool .. tela2eeeah a3ed beyakol howa el kharooof bas sada2ny yabny el 3eb mesh 3aleh el 3eb 3al mesh 3arfeeen homma 3ayzeeen men el balad deeh eh .. ana sha5seyan mehssh 3ayez menha 7aga 3ahsan insha2allah kollaha sana w mesh hashoof weshaha tany w wala2y leeeha beyroo7 w beyeeegy
ردحذف3ala 7asab matchat el sa7era el mostadeeera ... beye5las wala2y ma3 sofaret el 7akam el beyegry 3al negeeela ... ana zaye zayak 3ala fekra ba7eb el balad dy bas amaly feeha raaa7 zayo zay 7elm el mondial ... mashakly ma3 sha3bha aktar men el 7okooomotha w dah yemken 3ashan ana wa7ed morafah benebsa l nos sha3baha w
mathantesh mn el 7okooma zay ba2eet ahlaha .. el far2 beny w benak kebeer f 7aga
enta 3ayez te3`ayar bas ana mesh far2a m3aya
be3t el adeya w mates2alneeesh bel re5ees walla bel 3`aly 3ashan el egaba deeh mesh 3andy fel wa2t el 7aly ..