حوار مع الجنيه

بصيت للجنيه و قولتِلُه ..

مالَك كِدَه يا جنيه

مِش حَتِعقَل وَلا ايه

و تِرجَع للكُنت عليه

و اللى تِقدَر تِشتِريه

فَرَد عَلَيا و قاللى

يا كريم ما توجعش قلبى

دا الفقر راكبنى

و مش عارف اعمل ايه

مش عارف اشترى حاجة

و خليت كل الناس محتاجه

و بالكتير بشترى حاجة ساقعة من التلاجة

فقولتله..

طب و بعدين

انت كدة رايح لفين

انا خايف عليك تموت

و منعرفش طريقك منين

دا انت السايس بيستقل بيك

و الشحات بيشتم فيك

و بتاع البنزينة احتمال يِتِف عليك

بس تِصَدَق احنا اللى ظَلَمنَاك

و بسياستنا بهدلناك

او تقدر تقول

بِغَباوتنا بوظناك

طيب بص يا كريم..

انا هطلع على الوزارة

و هَقُولُهم ادّونى امارة

ان اللى بتِعمِلُوه فيا دا شطارة

مش فهلوة و غباوة ..

طيب روح يا جنيه

و ربنا معاك ضد ولاد الايه

انت معاك نِمرة تلفونى ..

لما تِرجَع .. ادِّينى رنَّة علِيه ..

كتب هذا الحوار كريم حلمى بعد ان جَلَس يتَحَدَّث مع عُملَة مِبَهدِلَة اسمَها الجنيه المصرى ...