السبت، 3 أبريل 2010

عايز اطلع برا القاهرة ..

دايما عندى فكرة انى اسافر اشتغل برا ... مش فكرة الفلوس .. انها حتبقى اكتر و كده .. بس فكرة اسلوب الحياة نفسه ... عايز حياة مفيهاش زحمة ... مفيهاش تلوث رهيب .. مفيهاش زبالة ارتفاعها اطول من جبال البحر الاحمر ..

و لقيت ان الكلام دا مش معناه اننى بالضرورة اسافر برة مصر .. انما على الاقل برة القاهرة ..

ساعات كتير لما اقول اننى بفكر اسافر عشان حال البلد مابقاش كويش .. ناس تقوللى :" طب ما تقعد و تحاول انت و جيلك من الشباب تصلحوا البلد.. " طيب تعالوا نبص على مميزات و عيوب القاهرة و نشوف كدة ..

المميزات:
١- اهلى و قرايبى و ناسى و صحابى.
٢- اللغة.
٣- الاعياد و المناسبات و الاحتفالات.
٤- الدين " مع ان طبعا اخلاق الناس بقت فى التلاجة"
٥- موضوع ان القاهرة لا تنام و ممكن تنزل بالليل او تتاخر برة البيت و انت مش قلقان و كده..
٦- التاريخ و الآثار و الحسين و الاهرامات و كوبرى قصر النيل و ساقية الصاوى و المسارح و حفلات الفرق الموسيقية و الاوبرا...

دى كانت بعض المميزات .. طيب نيجى للعيوب:
١- تلوث رهيب يسبب ازمات صحية طاحنة.
٢- ضوضاء شديدة توثر على حاسة السمع، و ترفع ضغط الدم و تخليك على طول متعصب.
٣- مطبات فى الشارع و حفر و بلاعات مفتوحة .. يعنى عربيتك حتبوظ او و انت ماشى حتقع فى البلاعة.
٤- جو حار جدا جدا جدا صيفاً .. و حار شوية شتاءاً.
٥- فوضى مرعبة فى الشوارع .. غباوة رهيبة فى القيادة .. غياب لاى قوانين مرورية ..
٦- حتضطر تدفع رشاوى عشان تمشى حالك ..
٧- طول ما انت ماشى حتلاقى ناش عايزة فلوس مقابل انهم بيقولولك " كل سنة و انت طيب" .. السايس .. الراجل اللى فى السينما بيوريك مكانك .. الست اللى قاعدة فى شباك التذاكر ... لدرجة اننى بدات اخاف ان صحابى اللى بيقولولى " كل سنة و انت طيب " فى عيد ميلادى ممكن يكونوا عايزين فلوس برضه.
٨- زحام شديد.. مفيش مكان ممكن تروحو فى اقل من ساعة..
٩- ارتفاع فى اسعار كل شىء.
١٠ - جهل و امية بشكل رهيب.
١١- انهيار الذوق العام.
١٢- انحطاط الاخلاق.
١٣- زبالة فى كل مكان .. " صحرا ان كان .. او بستان " .

نكمل كلامنا عن الناس اللى بتقوللى اقعد و صلح البلد انت و جيلك ..
حال البلد دى عشان يتصلح بعد الفساد و الجهل و المصائب اللى موجودة دى .. عايز كام سنة ؟؟ ٢٠ او ٣٠ سنة مثلا... طيب انا بعد ٣٠ سنة حيبقى عندى ٥٢ سنة - ان شاء الله و ان عشنا و كان لينا عمر - .. يعنى انا لما يبقى عندى ٥٠ سنة ابدا بقى احس ان البلد اتصلحت و حالها بقى احسن !!! .. هو فيه فى العمر كام ٥٠ سنة اساسا !!...
و بعدين هل المزايا اللى حاخدها من البقاء فى القاهرة تخلينى اضحى بصحتى و باستمتاعى بالحياة .. ؟؟! --الدخان اللى بنتنفسوا دا، مش حاسين بمشاكلوا دلوقتى .. و لاقدر الله، و ربنا يستر من اضراره..--
طيب و هل انا مطالب اننى اضحى براحتى عشان احاول اصلح البلد عشان الاجيال اللى جاية ترتاح ؟؟!!

انا عارف ان لو سافرت الحياة مش حاتبقى وردى و فى كل مكان فيه قرف برده ... بس على الاقل نسبة القرف دى حتبقى فى نطاق المحتمل ... انما فى قاهرة المعز .. القرف بقى فوق كل الحدود ...

هنا القاهرة ..
كتب هذا المقال كريم حلمى و هو لا يستمع الى اى حاجة ..


هناك 5 تعليقات:

  1. LOOOOOOOOOOOOOOOOOL, maho tabee3y ba3d kol el kalam el gameeel I've just read in this post, enak tekoon mabtesma3sh ay music or song fel 7ayah!

    Cool up ya Korreem showia =D

    Concerning this part 3ala tipping every single person you pass by, is, I totally agree with you very irritating and has literally exceeded all limits

    Bos, howa ana, myself, have been on the top people who are totally against anyone leaving his country and living elsewhere, and I have always believed that no matter where you go, it's still not ur country, and you will always, no matter what, stay the 2nd class category

    I will give you an example, a very simple one that will make you understand more what I wanna say

    It's more like as if you don't like ur home, and really want to live at ur friend's home which u think that it is much more comfy and a much more organized, a better place than urs. Yet, it is still not ur home, no matter what happens 7ata law we2eft 3ala 7awagbak! Huh

    For me, I can see all the disadvantages you were talking about in Cairo. However, I still love it b kol ely feeha, because, simply I got used to it keda, and for me en I have my family and friends around are my priorities

    You gotta set you priorities 1st before you choose

    As ususal: Madjee7a 7atchem
    ie. D(ch)eena Aboul Azm =P

    ردحذف
  2. for the first time ya kimo i disagree with you despite having the same feeling and i wish i could leave cairo on the first plane leaving kol el 3oyob el enta 2oltha deih 2d3aa en ehna nehwaal nesal7 halhaa و الله المستعان.

    ردحذف
  3. hehe fel ganna b2a isA hat3eesh mrta7 ;)

    ردحذف
  4. El Post el 3alamy :D
    w Kol Sana w Ento taybeen, ma3 ta7eyat sharket el kahera lel Matabat w el Baloo3at :P

    ردحذف